నెల్లూరులోని శ్రీరామానుజ సర్కిల్‌ రంగనాయకులపేటలో ఉన్న శ్రీ వేదాంత దేశికుల ఆలయంలో శ్రీ వేదాంత దేశికుల ఉత్సవాలు ఘనంగా ప్రారంభమయ్యాయి. సెప్టెంబర్‌ 26వ తేదీ సోమవారంనాడు శ్రీ వేదాంత దేశికులవారికి హంసవాహన ఉత్సవం వైభవంగా జరిగింది. ఈ ఉత్సవానికి ఉభయకర్తలుగా శ్రీమాన్‌ కడాంబి సంపత్‌ గోపాలన్‌ వ్యవహరించారు. సెప్టెంబర్‌ 27వ తేదీ మంగళవారం సాయంత్రం సింహవాహనంపై శ్రీ దేశికులవారిని ఊరేగించారు. ఈ ఉత్సవానికి ఉభయకర్తలుగా శ్రీమాన్‌ కడాంబి క్రిష్ణస్వామి కుటుంబం వారు ఉన్నారు.
ఈ కార్యక్రమంలో అర్చకులు విజయసారథి, భద్రిస్వామి, అధ్యాపకం గోష్టిలో కడాంబి రామానుజాచార్యులు, సుదర్శన్‌ స్వామి, చిమ్ముకుట్టి స్వామి తదితరులతోపాటు, ఆలయ ట్రస్టీలు వరదరాజన్‌, రామదొరై, రమేష్‌, బాలాజీ, రాజగోపాలన్‌ తదితరులు పాల్గొన్నారు.
