నెల్లూరులోని శ్రీ వేదాంత దేశికులవారి ఆలయంలో నిర్వహిస్తున్న వేదాంత దేశికులవారి జయంతి ఉత్సవాల్లో భాగంగా 8వ తేదీన కవితార్కిక సింహులు శ్రీ వేదాంత దేశికులు యాళివాహనంపై దర్శనమిచ్చారు. తమిళనాడులో కొన్ని ఆలయాల్లో యాళివాహన సేవ జరుగుతుంది. ఆంధ్రరాష్ట్రంలో బహుశా నెల్లూరులోనే ఈ యాళివాహన సేవ జరుగుతుందని అంటారు. ఈ యాళివాహనంపై కొలువై ఉన్న శ్రీ దేశికులవారిని ప్రత్యక్షంగా కాని, పరోక్షంగా కాని దర్శనం చేసుకున్న వారికి గజకేసరి యోగం పడుతుంది అంటే రాజయోగం లభిస్తుందని మన పెద్దలు పేర్కొంటున్నారు. మీరు కూడా వాహనసేవలో శ్రీ వేదాంతదేశికులవారిని దర్శించండి…సకల కార్యసిద్ధిని పొందండి.
