నెల్లూరులోని శ్రీరామానుజ సర్కిల్‌ రంగనాయకులపేటలో ఉన్న శ్రీ వేదాంత దేశికుల ఆలయంలో జరుగుతున్న ఉత్సవాల్లో భాగంగా సెప్టెంబర్‌ 29వ తేదీ గురువారంనాడు ఉదయం 8 గంటలకు నాచ్చియార్‌ తిరుక్కోలం ఉత్సవం వైభవంగా జరిగింది. ఈ ఉత్సవానికి ఉభయకర్తలుగా శ్రీమాన్‌ ఉ.వే. వి.ఎస్‌. రాఘవన్‌ స్వామి స్మారకార్థం వారి కుటుంబ సభ్యులు, శ్రీమాన్‌ వెంకట రాఘవన్‌ (హైదరాబాద్‌), శ్రీమాన్‌ కోదండ రామన్‌ (ఖతార్‌) వ్యవహరించారు. సాయంత్రం శ్రీ వేదాంతదేశికులవారికి, శ్రీ ఆదివణ్‌ శఠగోప యతీంద్ర మహాదేశికన్‌ స్వామికి ఊంజలసేవ నిర్వహించారు. ఈ కార్యక్రమానికి ఉభయకర్తలుగా శ్రీమాన్‌ ఇష్టి వి.కె. చారి, శ్రీమాన్‌ ఇష్టి శ్రీహరి, శ్రీమాన్‌ విష్ణుమోహన్‌, శ్రీమాన్‌ శ్రీరామ్‌, శ్రీమతి స్వాతి, శ్రీమతి కడాంబి లలిత వ్యవహరించారు. ఈ ఉత్సవ కార్యక్రమంలో ఆలయ మేనెజింగ్‌ ట్రస్టీలు, సభ్యులు, అర్చకులతోపాటు భక్తులు పెద్ద సంఖ్యలో ఈ ఉత్సవాల్లో పాల్గొన్నారు.
